ترفقي بالناس يا بنت الأجواد=لا تفتنين الخلق بالميك وأرواج
ترى القلوب صخاف والزين لن زاد=المستقيم ليا فُتن فيه ينعاج
القلب مضغة والهوى شين لا عاد=انا قبل جربت ماني بمحتاج
شوفي لغيري واحدٍ(ن)يقدح زناد=قلبي قفلته دون مثلك بمزلاج
شبعت من زين العذارى والأضداد=بحري سكن وأسكن معه عاتي أمواج
ما عاد تغريني شفائف ولا انهاد=صارت بعيني كلها هرج هراج
روح جميل العمر ما عاد ينعاد=ولى زمانٍ(ن)يبهر العين ديباج
اليوم صاير مثل من عاف للزاد=ما عدت أحس بداخل القلب وهاج
حتى عيوني عايفة زين ورقاد=اكثر منامي غفوة شوي وسهاج
أقضي كثير الليل في سرد الأنشاد=والقلب فيه الفين مليون دهاج
ترفقي بالناس يا بنت الأجواد=لا تفتنين الخلق بالميك وأرواج