جيت ابارد على العد قالوا الموت دونه = ارد للموت ولا صدر العد ظامي
قلت ليش الحسد عطشان لا تحرمونه = يرْد غيره وورده مرقبات(ن)حيامي
قالوا العد مايحصل لكل من يبونه = ماه ماكنت لو انك رفيع المقامي
قلت طعني يابوعد(ن)تكاثر جنونه = وقطع الشر قبل يبدأ عليك إقتحامي
قال من كنت قلت بوقتها تعرفونه = من يبا يثبت ومن ضاع وسط الزحامي
راس تحمله اعضوده تعلا متونه = والردوف معروفه ومعروف السنامي
ربعي عتابه العائل تلطم عيونه = قلت بدون زود(ن)عن كثير الاسامي
تذبح الحيل من ظمن المثل ينسبونه = قيل لو خليت الدنيا عليها السلامي
ولا يبا يهما وعل(ن)يقلب قرونه = طاع والاً مصير قرونهم للحطامي
واصبين المها والعد ماجوز دونه = بسم ربعي عتابه والفشق في حزامي
والمها كيف بصبر عن مداعب عيونه = لا يمي من كوى من جمر نار الغرامي
مهما لا برق وراعد(ن)في مزونه = ياهلا بالمنيه والف لا لنهزامي
ياعتود الضبا عاهد وانا العهد اصونه = تثبت أيامنا لنطعت صحة كلامي
يعلم الله ماجيتك من أجل المخونه = ماني اللي يبا يخلط حلال بحرامي
وعارف(ن)عدكم عذب(ن)رواسي حصونه = غربها وشرقها وجنوب واضاً وشامي
يكنف العد روض(ن)مثمرات(ن)غصونه = ما تغير على ماهو مثل كل عامي
بالوفاء والشهامه خل عندك مرونه = وارحم اللي على ذكراك نسي المنامي
لا يعاد المثل ليلى وقصة جنونه = حفيت اقدام رجلي في مسار الظلامي
سجن من دون سجن بسجنكم تسجنونه = زود فوق السجن بالقلب ضرب السهامي
لو كل سر يباح اسمك فلا يعرفونه = دفن بالقلب لين ادفن تحت الركامي
ماهو بخوف ربيعي كل صعب ياصلونه = لو بنخا عتابه جا لشمسك عسامي
كم قصيده بعثت ورد ماترسلونه = كان مكفاك انا بنخا رشيد الزلامي
قال الي يعلم الله ماقصدت المهونه = التزمت بوعد ياكيف اخون التزامي
قلت انا مسامحك وانته نبا تسامحونه = والعفو والتسامح من سلوم الكرامي