الليلة الهاجوس هبه نسايم=شذا عبير الورد في كل نسناس
جاني مع الغربي عليه الوسايم=وسايم اللي زينها كيف للراس
عنود لابسةٍ(ن)لسود اللثايم=الخد وردي تحرسه سود نعاس
دوا العليل اللي من الوجد هايم=حلو الكلام معطرٍ(ن)ريح الأنفاس
شوفته عيد لقلب ملهوف صايم=وأغلى من الياقوت والدر والماس
عساه طول الوقت كاسب غنايم=ما يشتكي من ضيم والا من الباس
وأنا على شأنه بشد العزايم=ما والله أشكي باقي العمر من يأس
بعصب على شأنه جديد العمايم=دامه سكن بالقلب من بدة الناس
مهما يصيرن الليالي قدايم=ما والله أرخص للغلا عذب الأوناس
يمكن يزين الحظ وينوض قايم=نروي كبود من العطش دوم يباس
نحيا لباق العمر مثل التوايم=في رحم حبٍ(ن)ما تعرض للأدناس
ننسى وجعنا والعنا والهزايم=في ماضي الأيام يا بنت قرناس
تضحك لنا الأيام ونكون دايم=ما نفترق عن بعض مشية ومجلاس
الليلة الهاجوس هبه نسايم=شذا عبير الورد في كل نسناس