يالله ياللي مغير الحال في حال = يمغير النفس الشقيه سعيده
اجعل لنا في جنة الخلد منزال = وطالبك ياربي نهار الوعيده
والثانيه للوقت فالصدر مدهال = صدري قفص وصدوف بقعا رصيده
شادت ظروف الوقت في قلبي جبال = وأمست حمولي فوق ظهري شديده
وأسقتني الدنيا من الكيف منجال = ومهما يكون الوضع عندي عقيده
طرق شرق وغرب ويمين وشمال = وعنيت رجلي لديار البعيده
وخذتلي فالوقت رحله وترحال = وسليت سيفي لسيوف الحديده
واليوم أنا بنصاك ياطيب الفال = عسى الهدف واضح ونقدر نصيده
مال الرفيق الاً رفيقه ولو طال = عمر الفتى تبقا حباله جويده
حنا مواقفنا مع الناس تمثال = في وصف واحد والمعادي نكيده
في ماقف(ن) لا صك جال(ن) على جال = وأفعالنا في مانقوله شهيده
ولا فيه مكسب غير من رؤس الاموال = وهذي لعبدالله مجرد قصيده

أخوكم الشاعر / سعد سنان الثبيتي