مساء الخير يا ليل الصحاري=مساء الورد كل ما جن ليلا
ليا بان القمر يجلا الغداري=يشع النور بالأرض لسهيلا
أنا جيت الحياة بلا إختياري=وشرفني إلاهي بقوم هيلا
عتيبة ربعي سيوف وشباري=سحاب ليا تحدر صار سيلا
ليا صالوا مثل نار وشراري=يشبون القدايح بالفتيلا
عزاةٍ ما تخاف من المساري=يصدون العداء و توف كيلا
خناجرهم تنادي بالثواري=تفت كبود وتحلي بحيلا
عتيبة يشربون الدم ناري=وباقي كيفهم بنٍ وهيلا
نعشق الموت ونبيعه لشاري=هدايانا ليا قابل قبيلا
سهام الموت نرسلها قراري=على الأرواح مافيها كليلا
مواقعها الثنادي والبهاري=عطايانا من الموت الجزيلا
نسوق الموت مع كل البراري=على ظهور الصافنات لها صهيلا
فوارس بالسيوف وبالسواري=صواعق نازلات من المخيلا
تدك حصون وتعري دياري=عتيبة ما تعرف المستحيلا
على وجه الثريا لو نماري=وصلنا للثريا ما نحيلا
عتيبة لا حضر للمجد طاري=لهم ذروة سنامه ما تميلا
كرمهم ما وصل حده مباري=ليا قابل عميلٍ(ن)مع عميلا
لهم تاريخ والحاضر حضاري=لهم من كل مجمولٍ(ن)جميلا
عتبية مثل شمسك يا نهاري=دليل لمن جهل درب ودليلا
عتيبة مثل ما نص البخاري=سقوا من دمهم أشرف خليلا
ربى بكنافهم من كان ساري=ليا عرش الإله العلم قيلا
عتيبة يحفظك خلاق باري=سقاك الله ماءٍ(ن)سلسبيلا
تحت عرشه ليا عطل عشاري=بيومٍ(ن)مابها ظلٍ(ن)ظليلا
وأقدم للقبائل إعتذاري=ترانا كلنا لأدم سليلا
لكن مدحي لربيعي وإفتخاري=وفا مني أصيلٍ(ن)للأصيلا