كان ودك أخبرك باللي أعاني=الحكاية كلها اقرأ جُمـلها
أكثر أيامي مقضيها أماني=أحلم بحاجات ما غيري وصلها
ودي بشوفك وأبيك ومن جناني=أنت روحي وأنت دنيايَ وأهلها
قلت لي برسالتك حلو البياني=شطر بيتك بالقصيدة هو عسلها
وأنت فيني منزلك وسط العياني=نازلٍ(ن)في منزلة ما أحدٍ(ن)نزلها
في غيابك انخطف لون المعاني=وفي حضورك لبست الفرحة حللها
أتذكر للحضور وكيف كاني=وكيف كنا بساعةٍ(ن)ربي فعلها
وأتذكر للبعاد اللي بلاني=ما قدرت أمنعه وأحلامي أكلها
آه يا عزاه يا بدر الزماني=روحي الولهى حرم حظي أملها
كل ما قربت يمك بيحداني=حير لنفسي وحارت في حيلها
وش بقي لي عاد يا مشغل كياني=غير ونة بالحشا مالي بدلها
أشتكي جرح الهوى مدري شكاني=فوق منظوم القصيد اللي حملها
ثم أعود وأرتجي للوصل ثاني=قبل روحي يا غلا تلقى أجلها
بين ليت وبين كان وبين ماني=روح مضنونك تزايد به عللها
كان ودك أخبرك باللي أعاني=الحكاية كلها اقرأ جُملها