مراكبك غرقت بساحل بحورك=يا معلنٍ(ن)على الهذيلي حرابه
لا تسبر لغور البشر شوف غورك=اللي تناهش به شهاب الذيابه
يا مطلقٍ(ن)بالخبت شاين طيورك=طير القشر لو طار ماشي جابه
وترى السحاب اللي تشوفه نظورك=عالي مكانه والمكانة مهابه
يا شاهدٍ(ن)بالزور مكشوف زورك=ما أنت بنبي وإلا جليل الصحابه
احسن طعامك في عشاك وفطورك=الظن بعضه في جهنم عقابه
لا تحصد ذنوب العباد بقدورك=يا ذيب ياللي كل ريعٍ(ن)عوا به
خلك بحالك ما بعد حان دورك=قدام نكشف للصبا والصبابه
ترى الهذيلي ما تقرب مصورك=وما كل من يحلم بزاد اهتنا به
دارت سيوره وأنت دارت سيورك=والمال محمي عن يدين النهابه
شاهين بالمرقاب راصد عبورك=والحي ثلثينه فوارس شبابه
لكن نصيحة خل دينك طهورك=أحسن لظنك ياعميد العصابه

المشاركة الأصلية كتبت بواسطة سعيد مرزوق العبد (المشاركة 164235) ترى الهذيلـي مـا تقـرب مصـورك...ومـا كـل مـن يحلـم بـزاد اهتنـا بـه دارت سيوره وأنت دارت سيـورك... والمـال محمـي عـن يديـن النهابـه شاهيـن بالمرقـاب راصـد عبـورك... والـحـي ثلثيـنـه فــوارس شـبـابـه لكـن نصيحـة خـل دينـك طـهـورك... أحـسـن لظـنـك ياعمـيـد العصـابـه ههههههههههههههه صح السانك انت تشتغل فالتحقيق ولاّ ايش كل شي تعرفه