تحشمي قدام ذل ومهانه=لا تفتنين الخلق بالجسم واللبـس
لبسك ترى يابنت مثل الحصـانه=دامه عليك ايحد من نظرة ولمـس
صون الجسد يا بنت والله أمانه=لكن بعض الناس يابنت ما يحس
ضفي حجابك وفق نص الديـانه=لا يخدعك شيطان غاوي من الإنس
اللي يروج للفتن باللعانه=هذا يدس المر في باطن الدبس
فاقد عقل ما يتصف بالرزانه=جرذان حقلٍ(ن)تحت الأغصان مندس
ولا تسمعي لغوايةٍ(ن)من فـلانه=تهتم بالموضة ولو فعلها نجـس
مكانتك معها بذيك المكانه=النار مثوى لكل من يفعل الرجـس
ذولا مع الشيطان حزب وبطانه=بيعة رخيصة والثمن مثلها بخس
هذا الزمن يحتاج حرص وفطانه=ومن لاتوقع طاح والفايده أخس
لن صار بأفواه الخلايق لبانه=تلعبه الألسن على الناب والضرس
خافي من الله وإتركي للشطانه=والله ما ينفعك من جاك بالعرس
كوني من أهل الدين وأهل التكانه=لو كان ما عندك من المال لو فلس
تحيي بعز وتسلمي من خيانه=مرفوعة الهامة مكانتك ما تهس
تحذري وأنتي بربك معانه=تعلمي من دينك الستر والدرس
تحشمي قدام ذل ومهانه=لا تفتنين الخلق بالجسم واللبـس