لا لاح برق الحيا ودن رعده وسال = تطرب له الروح وتغرد عصافيرها
تفرح بغيثه شرايين النخيل الطوال = الروح من ماطره تروى مغاتيرها
البارق اللي جذبني فاق وصف الخيال = احبار الاقلام صامت عن تعابيرها
اليارق اللي آسرني لاح من خلف شال = سجن بنات الفكر قيد مناعيرها
ليا خسف صاحت الارواح بالله تعال = وليا طلع اطلقت روحي هواميرها
فريد نوعه في حسنه اعتلا كل عال = ملك فوادي نظر عيني اساطيرها
ابهر عيوني آسر قلبي زعيم الدلال = الجادل أم العيون السود ماغيرها
سبحان من زيَن البارق بكل الجمال = الروح عنت على شانه تفاكيرها
شمس النهار الدفيه بدر سود الليال = كنافة الروح بلسمها عطا بيرها
دفا لروحي إذا هبت هبوب الشمال = ربيع روحي إذا طارت عصافيرها
لا لاح برق الحيا ودن رعده وسال = الروح من ماطره تروى مغاتيرها

المشاركة الأصلية كتبت بواسطة ابن عبود (المشاركة 122056) سلمت يمينك يالذيب قصيده رائعه من شاعر رائع

المشاركة الأصلية كتبت بواسطة قناص المها (المشاركة 122058) صح لسانك وافية من وافي

المشاركة الأصلية كتبت بواسطة ملك القلوب (المشاركة 122059) الذيب صح لسانك تقبل مروري

المشاركة الأصلية كتبت بواسطة الرقيب (المشاركة 122063) صح لسانك ابداع تقبل مروري

المشاركة الأصلية كتبت بواسطة دليل القوافــل (المشاركة 122069) تسلم صح لسانك جميل ما نظمت لك التحية

المشاركة الأصلية كتبت بواسطة المستشــار (المشاركة 122108) صح لسانك وافية من وافي لك التحية