سهران وأسامر نجوم الليل = والجو هادي والقمر بادي
ياللي على قلبي رفعت الكيل = جرحي عطيب وهاجسي غادي
أنت أعذب من الماء ونهر النيل = اللي لجِلْه يغرّد الشادي
ماعاد باقي ياحبيبي حيل = القلب جافي وأنته الزادي
روحت أنا مابين حط وشيل = أرقى جبل وأهبط على وادي
وأنا رجل في مذهبي حلحيل = بسلومنا متمسك وقادي
من عزوة تقدم شراب الهيل = والبن للعربان الأجوادي
وحنا ترانا متعبين الخيل = من عصر أبوي وعصر الأجدادي
العدْو له صرنا كوادي ويل = بسيوف ماتدرج فالأغمادي
ننحى على جنبه سواة السيل = اللي يزيح كبار الأوتادي
(( عتيبة )) اللي تزبن الدخيل = في ظلها تنعاد الأعيادي