يالله إني طالبك رحمتك وأنت الكريم=تلطف بحالي وتستر عيوبي كلها
استترت من البشر وأنت بذنوبي عليم=الخطايا محصيٍ(ن)دقها مع جلها
البشر ما يستروني رجال ولا حريم=يبحثون لغلطة النفس لأجل اتذلها
وأنت يا ربي بعبدك ولو اخطأ رحيم=تغفر الزلة وروح البنادم من لها؟
غير رحمة خالق الروح رحمنٍ(ن)حليم=برحمته أكثر ذنوب العباد يزلها
دام عبده ما شرك به ولو ذنبه جسيم=الذنوب بقدرته كان شاء بيشلها
لو عظم ذنب البنادم ترى عفوه عظيم=توبةٍ(ن)لله كل الذنوب تحلـها
رحمتك يارب رحمتك من صال الجحيم=طالبك يارب خضر الجنان وظلها
ما يخيب الظن يارب فيك ولا تضيم=عبدك اللي غارقٍ(ن)بالذنوب وملها
ملتجي بك ترحمه بالجديد وبالقديم=يا الهي جنة الخلد كيف أصل لها ؟
كان تعلمني موحد على النهج السليم=واثق بعفوك ورحمتك لي ترسل لها
وكان تعلم بي خلة فأنا عبدٍ(ن)غشيم=نجني من غي نفسي وشر يعلها
يالله إني طالبك رحمتك وأنت الكريم=تلطف بحالي وتستر عيوبي كلها