قال المثل:فيد الفتى من ذراعه=ومن لا توقع لو تعلا تنكـس
والذئب بين رمعته وإرتباعه=وثوب الردا ما يستر اللي تلبس
ومن لا شفع ما يستحق الشفاعه=والعلم ما يتقنه من لا تمرس
واللي يبيع رخيص يكسب مراعه=والخبل ما ينفعك لو هو تريس
لا تعتزي إلا براعي سباعه=وإلا الردي دهنٍ(ن)بكف يتملس
سواة حبلٍ(ن)رمث سهل إنقطاعه=خرثان ما يقوى لشد وتمسس
كلٍ(ن)على ماقيل تغلب طباعه=على التطبع لو غلبه التحمس
العقل نعمة واللباقة صناعه=ولا كل عقلٍ(ن)يفتهم ماتدرس
الوقت والأيام ساعة بساعه=تقلب الأحوال طيب وتعمس
ياحظ من ربي وهبه القناعه=وإرتاح من كثر العنا والتوجس