يانفس كافي معاصي لا تزيدين المعاصي=توبي قبل لا تلف الساق يانفسي على الساق
باللحظة اللي جميع الخلق تعجز عن خلاصي=ليا غرغرت بالنحر يانفس ثم يبسن الأرياق
بالساعة اللي مؤكد مالنا عنها مناصي=وقتٍ(ن)محدد محال الخلق تمنع لأمر خلاق
والله ما ينفعك يانفس لا داني وقاصي=إلا عمل تكسبينه معك من دنياك ينساق
إن كان صالح نجيتي يوم نوخذ بالنواصي=وإن كان طالح هلاكك في جحيمٍ(ن)يحرق إحراق
تلقين ماهو فعلتي في كتابك رب حاصي=أحصاه من يعلم بسر القلوب وحد الأرزاق
اللي رزق للطيور الغادية صبحٍ(ن)خماصي=ترجع بطانا ووربك مطلع ما جوف الأعماق
يانفس دنياك هذي بالتراجع والنقاصي=مافيه حالٍ(ن)يدوم وكل جمعٍ(ن)بعده فراق