يا وطن كل الجروح جروحنا=من الحجاز ليا القصيم ليا الحسا
كل قطرة دم ترفع نوحنا=المصيبة بكت رجال ونسـا
شيعة وسنة وطنا روحنا=من يحاول تفرقتنا بيخسـا
الوطن خطٍ(ن)حمر يالوحنا=والأخوة بيننا ما تلمسـا
المكايد ما تهد صروحنا=دونها الشجعان في صبح ومسا
الحساء جبين مكة واوحنا=دونها البارود في وقت القسا
الخوارج ما تهل سبوحنا=عقدنا منظوم يا خائن عسا
كلنا فدوة منار فروحنا=الوطن وملوكنا تاج وكسا
الوطن حبه لغات لبوحنا=من صغرنا بالخوافق يغرسا
ما نساوم فيه يا مفضوحنا=كيف ما تستوعب اللي تدرسا
الوطن معشوقنا مملوحنا=ما يبدل وحدته باغي نسا
يا وطن كل الجروح جروحنا=من الحجاز ليا القصيم ليا الحسا