ما كل جازي لو تسمت بجازي=ولا كل من تجمح به الخيل فارس
ولا كل شامخ بالرواسي حجازي=ولا كل نورٍ(ن)ينحسب للنبارس
ولا كل من طب الميادين فازي=ولا كل من حقق مهمات دارس
ولاكل فتوى تنحسب لإبن بازي=ولا كل عالم من نتاج المدارس
ولا كل رايٍ(ن)يجبرك لإنحيازي=ولا كل لابس ثوب ينعد لابس
ولا كل فعلٍ(ن)يفعل العبد جازي=ولا كل من يمشي مع الدرب عاكس
ولا كل رجلٍ(ن)بالفعايل يجازي=ولا كل عينٍ(ن)دونها الرمش حارس
ولا كل من حارب مع القوم غازي=ولا كل شغمومٍ(ن)يناصي فوارس
ولا كل لامع من صنوف القزازي=ولا كل من شابه لغيره يجانس
ولا كل طيرٍ(ن)عانق الجو بازي=ولا كل تربة صالحة للمغارس
ولا كل مبنى قام ساسه عزازي=ولا كل برجٍ(ن)زينته العواكس
ولا كل غصنٍ(ن)ينكسر بإهتزازي=ولا كل قاسي ينحسب عود يابس
ولا كل قلبٍ(ن)يشتكي من روازي=ولا كل بنٍ(ن)يضبطه حمس حامس
ولا كل من سافر بيحمل جوازي=ولا كل خنجر حدها حد راجس
ومن لا توقع في جميع الحزازي=لو غرته دنياه لا بد ناكس
ختمت شعري وأفتخر بإعتزازي=ولا كل شاعر للقوافي ممارس
لأجل كذا ما كل جازي بجازي=ولا كل من تجمح به الخيل فارس

المشاركة الأصلية كتبت بواسطة عبير الشوق (المشاركة 174544) الله الله فاتنه صباحية الأستاذ بن هليل / صح لسانك عودتنا على عذوبة الألفاض والمعاني العميقة لك التقدير لاعدمناك