لن رحلنا عاتبونا وإن رجعنا عاتبونا = العتاب يطاردك ياقلب لو مهما تسوي
بسألك بالله كم مره ياقلبي زعلونا = كم ليله بدرهم ياقلب خاسف ما يضوي
قال لا تعتب عليهم عل يوم ويطلبونا = ثم تطلع شمس تنور قلب نايم ومتطوي
قلت ما بيهم ما بيهم دام صاروا مايبونا = الصبر علاجنا لرواحنا غيثه يروي
كم مره يافوادي من جفاهم عذبونا = يبست اغصون الوداد اللي يغذينا يقوي
مات زهرك يافوادي يوم راحو هاجرونا = ياعذابي ياعذابك من هواء نوه يغوي
آه من دنيا العتب اللي ينابعها لفونا = ذيب قلبي ماغفت عينه من قهره يعوي
لن رحلنا هلت مزون العتب وغربلونا = وإن رجعنا رعده بقلبي وشرياني يدوي
حيرونا حيرونا لو عطينا ما عطونا = ريح اعصابك ياقلبي مثلهم نقدر نسوي
قال لا تحرق شراييني لو راحو يجونا = يعرفون إن البدر لو غاب لا بده يضوي
قلت امرك يافوادي علهم ما يرجعونا = دامنا نرقا سوى بيستوي جوك و جوي
خلهم ايعاتبو لو عاتبو ما يقدرونا = العتب منهم عليهم العتب درب متلوي

المشاركة الأصلية كتبت بواسطة أبو ناصر (المشاركة 121514) صحّ لسانك يالذيب دائما متميز تقبل مني كل الود وفآئق الاحترام

المشاركة الأصلية كتبت بواسطة المستشــار (المشاركة 121521) الله الله صح لسانك ياذيب لك التحية

المشاركة الأصلية كتبت بواسطة قوي البخت (المشاركة 121524) صح لسانك مليون ولا يكفون لك التحية

المشاركة الأصلية كتبت بواسطة قناص المها (المشاركة 121525) الذيب صح لسانك مدد وافية يا راع الوافية

المشاركة الأصلية كتبت بواسطة نجم العرب (المشاركة 121528) الذيب صح لسانك تقبل مروري