هيجيني يا حلوم وجمليني يا قوافي=ودي أكتب للحبيبة بدم خفاقي قصيده
لا غزاني طيفها أغدي مثل ريشٍ خفافي=من لهف روحي عليها دم يغلي في وريده
ودي أفرش رمش عيني للغلا وأخر لحافي=المنى كل المنى أشوفها دايم سعيده
والله إني ما تمنى يلحق الغالي خلافي=الملاك اللي بهالكون في قلبي فريده
الهوى مابيني وبين الغلا طاهر وصافي=هي هناي وهي هواي وحبها قلبي يريده
وافية وأنا بعد للغالية صادق و وافي=لو تأمر فوق روحي قلت:فدوة للمجيده
ياغلاي العمر كله لو عطيتك غير كافي=والله إني لو بيدي عمري لعينك لأزيده
إيه أحب الغالية عشقي لها ماعاد خافي=المودة للحبيبة راسخة ماهي جديده
هيجيني يا حلوم وجمليني يا قوافي=ودي أكتب للحبيبة بدم خفاقي قصيده