على ذا الحال لي عدة ليالي=أنا والليل والطيف نتسامر
ياليل ارحل كفاني ما جرى لي=ذياب الشوق تنهش بالمشاعر
همومٍ(ن)مالها لا أول وتالي=تهد الحيل مهما كنت صابر
حلوم الليل تصبح للزوالي=وجرح الليل باقي ما يغادر
ليا مني ذكرت اللي ببالي=وما حوله من قيود ومخاطر
يزيد الجرح ويزيد إعتلالي=طعون القهر تشبه للخناجر
تواصلنا محالٍ(ن)من محالي=ونسيان الغلا أكبر كباير
طيوفه ما تفارق للخيالي=وهمساته تزور بلا تذاكر
أحاكيها وأنا قاعد لحالي=مع أطياف الغلا بالليل ساهر
على ذا الحال لي عدة ليالي=أنا والليل والطيف نتسامر