يا ناصر عسى ربي يعوضك بصبيان=
ولا مات من عقب بعد موته عيالي=
عسى الخلد منزاله تنسيه بالأوطـان=
مع الصفوة الأبرار في مقعدٍ(ن)غالي=
يا ناصر ما دامت كل منهو عليها فان=
على درب ماشي عقب منزال ترحالي=
عسى الله يهونها على الكل يا كحيلان=
ليا غرغرت بحلوقنا والجسد مالي=
أنا وأنت يا ناصر نبا نلحق الشيبان=
أبوكم وأبوي وعم وأخوان وأخوالي=
وعسى الله يعوضنا ببو متعب بسلمان=
ليا راح شيخٍ(ن)يقوم من بعده أبطالي=
تدور الليالي سنة الرب بالأزمان=
ولا دايم إلا ربنا فأول وتالي=
تنزه عن النقصان ما يلحقه نقصان=
كريمٍ(ن)رحيم عالم بكل الأعمالي=
طلبته تعالى يمسح الذنب بالغفران=
لكل مسلمٍ(ن)لاقاه بحمولٍ(ن)ثقالي=
وصلوا على المختار صفوة ولد عدنان=
عدد ما خلق ربي من أرواح ورمالي=