ياللي تقول العطر بالزين جذاب=
شكل غرامك للعذارى صناعي=
هواك للزينات من ريح الأطياب=
أثر طباعك ما توافق طباعي=
ماهو بكافي للهوى نظرة إعجاب=
ولا هو بكافي عطر هاج إلتياعي=
عشقي لهن فطري بلا داعي أسباب=
ذي نظرتي في حبهن وإنطباعي=
انا غرامي ريح زاميت الأتراب=
القا بها ذاتي وفيها ضياعي=
نجل العيون وسود ركزات الأهداب=
وصاف الجبين اللي غدا له شعاعي=
والسابح اللي فوق الأمتان منساب=
والمنطق اللي يطربك بالسماعي=
يلقى بها راع الهوى كل ما طاب=
تعلن لها روس الملوك إنصياعي=
ذاك الذي يأسر رجيحات الألباب=
ترخص على شأنه جميع المساعي=
الزين مايرحم شبابٍ(ن)وشياب=
كلٍ(ن)بذل له بالعمر ما إستطاعي=
وإن حالت الأحوال من دون الأحباب=
يبقى هواهم بالصدور الوساعي=
الحب لأرواح المواليف غلاب=
ما ينمسح بقلوب عطشى جياعي=
ممزوج بالأجساد مع دم وأعصاب=
دام الغلا غالي محالٍ(ن)يباعي=
ترخص على شانه مماليك ورقاب=
وأحيان من شأنه يكون النزاعي=
حب الشرف يغلب على كل الأطباب=
وحب الدنس يشبه لسم الأفاعي=

الزين مايرحـم شبابٍ(ن)وشيـاب *** كلٍ(ن)بذل له بالعمر ما إستطاعـي
البيت هذا بحد ذاته قصيده

المشاركة الأصلية كتبت بواسطة ابن عميش (المشاركة 158592) الزين مايرحـم شبابٍ(ن)وشيـاب *** كلٍ(ن)بذل له بالعمر ما إستطاعـي البيت هذا بحد ذاته قصيده صح لسانك وبيض الله وجهك على هذا الابداع تقبل التحيه ووافر الاحترام

المشاركة الأصلية كتبت بواسطة عساف الأصائل (المشاركة 158598) هذه الابيات عن قصيدة اختصرت كل المعني والاوصاف

المشاركة الأصلية كتبت بواسطة عبدالرحمن عويض المسعودي (المشاركة 158611) صح السانك يابن هليل ابيات رائعه وانا جاريتها عندما كانت خاطرة ولم انتبه انك اكملتها الا الان ويعطيك العافيه تقديري واحترااااااااااااااااااااااامي