ما نظمتك يالقصائد لين عادت ناقدتها=والتطم بحر القصيد وزانت طروق القوافي
عادت لحوني تراقص بعد كانت فاقدتها=وابتدا عهد التواصل وانتهي عصر التجافي
المشاعر من ذكاها بكلمتينٍ(ن)جددتها=وإنفتح باب الأمل والهم برمي به خلافي
من مشاعرها الرقيقة المواجع بددتها=انمسح هم الفراق وصرت بالوصل متعافي
صارت الكلمة ثمينة بعد هي ما رددتها=القصائد ما تزين الا قالت:عوافي
عادت البهجة لشعري والقصائد عودتها=تلبس ثياب الفرح بحضورها والسعد لافي
لأجلها بكتب دواويني وعارف منشدتها=لو تقول:اليوم كافي قلت:لا ماهو بكافي
العمر والشعر والأحلام تفدا منجدتها=مالكة كلي بطيب أخلاقها ظاهر وخافي
المشاعر من غلاها فرشتها وسدتها=بالحلا والذوق والأخلاق والرقة لحافي
الله إنه لا يعودك ياليالي بعدتها=والله إنه لا يزيلك يا سويعات التصافي

صح بدنك ولا هنتي


سعدت بطلتك وردك الطيب

صح بدنك ولا هنت


لك تحيتي

صح بدنك ولا هنت


لك خالص تحيتي