نركض ورى الدنيا على شان الـدراهـم والـمـتـاع = دنـيـا الـفـتـى متاعها يـغـويـه عن درب الـنـجـاه
درب السعاده والنجاه إنطيع من أمـره مـطـاع = ماخاب مـن ربه هداه ماخاب ظن اللي رجـاه
نـركـض ورى اطماع النفوس أوزانـهـا ذره وصاع = الـقـلـب مايشبع من الدنيا على خـاطـر هــواه
دنـيـا الـفـتـى فيها دروب الـعـز ودروب الـضـيـاع = مـن يسلك الـدرب السليم القلب حصل مـبـتـغـاه
درب الـهـدايـه تجعل الخفاق دايـم في أرتـفـاع = يـحـصـد من الدنيا ثـمـار العمر ويحقق مـنـاه
القلب يغدي سـبـع دام اللي حـوالـيـنـه سـبـاع = ولا غـدى لـقـمـه لـهـم لـو كـان عـالـي مـسـتـواه
العين تدمع مـن عوى سرحان مكسور الـذراع = ذراعـه الايـمـن كـسـيـر وشـر عـدوانـه يــرآه
الـروح تــصــرخ يــوم زاد عـواه ضـاق الاتـسـاع = ماغمضت لو هي دقيقه من بلاه ومن عــواه
الزرع مات من الظما من حره الخفاق مــاع = دام الزمن ماهو زمان الزرع مايشفي دواه
نمشي ورى الاطماع لو أنفوسنا مامن جياع = دنيا الفتى تغوي ضعيف النفس وتظلم سماه
نركض ورى الدنيا على شان الـدراهـم والـمـتـاع = دنـيـا الـفـتـى متاعها يـغـويـه عن درب الـنـجـاه

المشاركة الأصلية كتبت بواسطة binhlailبن هليــل (المشاركة 136660) صح لسانك يالذيب وفيت وكفيت واصل لا هنت

المشاركة الأصلية كتبت بواسطة الحر النادر (المشاركة 136663) صح لسانك يالذيب تقبل مروري

المشاركة الأصلية كتبت بواسطة قناص المها (المشاركة 136673) صح لسانك مدد ابدعت وامتعت

المشاركة الأصلية كتبت بواسطة البدوي (المشاركة 136796) صح لسانك وبيض الله وجهك تقبل التحية

المشاركة الأصلية كتبت بواسطة عساف الأصائل (المشاركة 136815) صح لسانك يالذيب ابداع لا هنت