بعض البشر نتعب على شانه=لولاه غالي ما تعنينا
من طيبته ما نعرف أثمانه=مهما بذلنا ما تغالينا
أرواحنا فدوات لأعيانه=بنمدها ونقول ما أعطينا
وبعض البشر لا سقيت أوطانه=فرقاه مكسب لا يخاوينا
صداقته كلام بلسانه=ماينفع بدنيا ولا دينا
لا من نصينا صك بيبانه=يبخل من القهوة يقهوينا
حلو اللسان قليل احسانه=الله عن أمثاله بيغنينا
عندي سوا زوده ونقصانه=ما همنا رحنا ولن جئينا
أحسن علاج الشين حقرانه=مكانته تحت مواطينا
ما يشبهه يكود نسوانه=ماهو بلا منا ولا فينا
بعض البشر نتعب على شانه=لولاه غالي ما تعنينا