أرفع سكاكينك ترى قلبي جروح = ماعادلي فالطعن نفس(ن)وحيله
معادلي فالحب مطلب ومصلوح = خلاص نفسي في هواكم بخيله
خلاص باب الحب ماهو بفتوح = الله يعين القلب وأعزتيله
طرق الهواء ممنوع ماهو بمسموح = سعد مع الأيام دور بديله
أكتب على بيض الورق ونقش اللوح = مسافة الأشواق سارت طويله
كم كنت في حبك مقيد ومذبوح = شوفتك غايه والمحبه وسيله
واليوم لاتزعل ليا قلت الك روح = دور على محبوب نفسه عليله
دور على خالد وبندر وممدوح = والناس لأجل الحب ماهي قليله
وانا بروح وكتم السر والبوح = أبشرك حبك تناسيت جيله
وطالبك سامحني عسى الصدر مشروح = هاذي ظروف الوقت يوم(ن) وليله