يابن هٌليل والنصيحه تشترى= في وقتنا الماضي وفي عصرن جرى
كلن دفع فيها الجنيه الاحمرا= يوم الرجال الطيبه متكاتفين
اللي يدورها سرح واللي سرى= واللي درا يخبر رفيق(ن) مادرى
يوم الرجال بكلمة الطيب خشرا= ماهم على درب الهدى متفاوتين
واليوم تهدى مالقت غير الزرى= البرد يلسعها ولالقيت ذرا
والخبل ياقف بالعيون مصنفرا= اعماه شيطانه عن الدر الثمين
نصيحتي للي كتب واللي قرا= ياخذ من الميسور ماتيسرا
ترى الفتى بالطيب وجهه ينورا= عند الملاقا يدحم الضلع الزبين
وابن هُليل قال در(ن) ينثرا= الطيب الشغموم زين المخبرا
نصايحه تفوح ورد معطرا= ماقالها الا جرب الوقت اللعين
كلام صح ولا لك الله مفترى= من واحد (ن) جرب دروب المعسرا
وفي الصباح يحمد القوم السرى= عضوا عليها ياالرجال الفاهمين
هذا الكلام اللي على بالي طرا= جبته ويبقى شاهد(ن) مع الورى
ماهو كلام(ن) ملتوي كما كرا= مثل الشحم لاحط فالصحن الرزين