يا غائبٍ(ن)عني بليا رضايا=متى تجي وترد لي نص عقلي
بعد غيابك زاد فيني هوايا=أهملت روحي والعنا طال لأهلي
غيبتك سوت في خفوقي سوايا=وأنته معي طيفك غدا مثل ظلي
صارت طعون البعد هن الهدايا=ما عاد بعرف ويش باخذ وأخلي
تعال عجل رجعتك يا دوايا=الروح مشتاقه لوصلك و وصلي
شب الهوى نيران جوف الحنايا=والوجد ينتل باقي القلب نتلي
صارت كفوفي يشبهن المرايا=صورتك فيها يا بعد كل من لي
وأسمع صدى همسك بكل الزوايا=صوتك وضحكاتك وبعضك وكلي
في داخلي شوقي معقب كوايا=والجرح ينزف والدوا ما حصلي
تعال عجل رجعتك يامنايا=يكفي غياب الشوق ماهو بسهلي
تعال وإقض العمر كله معايا=بلسم جروحي شوفتك في محلي
تعال لا تكبر علي الرزايا=تكفا تجمل لا توخر يا خلي
صبري نفذ ما عاد باقي بقايا=الحق على ماهو تبقا لعقلي

صح بدنك سعدت بردك الطيب


لك تحيتي

صح بدنك ويا هلا برجوعك لمنتداك


لك خاص تحيتي

الله يسلم عمرك


شكرا لردك الطيب