قبل عام الفين كان المجتمع وضعه سليم = بعد عام الفين صار المجتمع وضعه خطير
قبل عام الفين كان القلب يهنا بالنسيم = بعد عام الفين صار القلب من وقته ضرير
قبل عام الفين كان الوقت قاسي عالحريم = بعد عام الفين صار الراي بكفوف الحرير
قبل عام الفين كان الزاد من كوم الهشيم = بعد عام الفين صار الزاد من شرح الوزير
قبل عام الفين تونس لا خريف ولا حميم = بعد عام الفين صارت هم في وسط الضمير
قبل عام الفين كانت مصر في عش النعيم = بعد عام الفين صارت غصن يابس وكسير
قبل عام الفين كانت ليبيا أم اليتيم = بعد عام الفين صارت لا زبيب ولا شعير
قبل عام الفين كانت سوريا وجه(ن) وسيم = بعد عام الفين صار الوجه خاسف ما ينير
قبل عام الفين كان الوضع جنه لا جحيم = بعد عام الفين صاير جنه بلا زمهرير
الفتن شبت بعد الفين لطفك ياكريم = الطف الطف بالبشر يسر لمن وقته عسير
العواميه غشاها من الفتن ليل(ن) كتيم = يوم خمسه من شهر ذو القعده اليوم المرير
بعد عونك ياعظيم الشأن يالرب الرحيم = عندنا درع الجزيره موقف أطماع الشرير
ياملكنا ياملكنا اكفته وسط الجحيم = الخسيس إبن الخسيس اللي تنكر كل خير
الوطن غالي عزيز عتيبه وحرب وتميم = تدفع الارواح من دونه وتحمي كل بير
يازعيم المملكه يالحر يانسل الزعيم = يالملك يأبن الملك ياصاحب الوجه السفير
يا صقر شبه الجزيره صاحب الصدر الحليم = ياكريم المد مدك مغني الصدر الفقير
تحت جنحانك تهنا المواطن والمقيم = لابسين ثياب الأمن ودونهم سيف(ن) شطير
دام أبو متعب حفظه الله طريقه مستقيم = ناهجين المنهج اللي ناهجه وجه منير
مجتمعنا تحت جنحانه لبس ثوب النعيم = لابس ثياب الهناء يقطف من أزهار العبير
نحمد الله نشكره ببلادنا ما من غشيم = دام حنا في ذرا مليكانا عبدالبصير
قبل عام الفين كان المجتمع وضعه سليم = بعد عام الفين صار المجتمع وضعه خطير

المشاركة الأصلية كتبت بواسطة نجم العرب (المشاركة 134255) صح لسانك واعتلا شانك ابدعت لا هنت لك التحية

المشاركة الأصلية كتبت بواسطة المستشــار (المشاركة 134258) صح لسانك يالذيب وفيت وكفيت بيض الله وجهك

المشاركة الأصلية كتبت بواسطة ذياب بن غانم (المشاركة 134263) صح لسانك يالذيب تقبل التحية

المشاركة الأصلية كتبت بواسطة عساف الأصائل (المشاركة 134273) صح لسانك رائعة لا هنت لك التحية

المشاركة الأصلية كتبت بواسطة مخاوي الذياب (المشاركة 134293) صح لسانك يالذيب وفيت وكفيت لا هنت

المشاركة الأصلية كتبت بواسطة صاحب المعالي (المشاركة 134306) صح لسانك وافية من وافي لا هنت

المشاركة الأصلية كتبت بواسطة الرقيب (المشاركة 134318) صح لسانك وفيت وكفيت