فرق مابين الحقيقة والخيال=مثل مابين الثريا والثرا
الخيال بكل مايخطر ببال=والحقيقه كل ماعينك ترا
وبين هذا وذاك معقول ومحال=أحد يدري عنه وأحدٍ(ن)مادرا
الثوابت كل شيء الى زوال=ما عدا الرحمن خلاق الورا
كل ما بالكون يشهد بالفعال=الشواهد بينة لمفكرا
الكريم اللي تكمل بالكمال=كل شيءٍ(ن)يعلمه سر جهرا
رازقٍ(ن)للطير من فوق الخيال=ورازقٍ(ن)للدود في صم حجرا
فالق الأصباح حساب الليال=باعث الأموات يوم المحشرا
قدر الأقدار محصي للعمال=حدد الأجال وقت مقدرا
الرحيم اللي تعلى بالجلال=الحليم اللي لخلقه دبرا
القوي اللي بحكمه إعتدال=كل ماهو راد سهل ميسرا
الكريم اللي يجازي بالسؤال=الغفور اللي لعبده يسترا
الشديد اللي يزلزل للجبال=اللطيف بكل ما دب وذرا
الله الواحد إلهٍ(ن)ومتعال=مالكٍ(ن)للملك مافيه خشرا
لو معه شريك كان الملك زال=من قديم وكل شيءٍ()بُعثرا
الشواهد مايخبيها جدال=بينات لكل عينٍ(ن)تبصرا
خاتمتها أعوذ من شك وظلال=يالهي لا تمتني منكرا
فرق مابين الحقيقة والخيال=مثل مابين الثريا والثرا