يارباح الوضع أشوفه مختلف ماهو بزين=المشاكل كاثره بالشمال وبالجنوب
والمصيبة يارباح الحرب بين المسلمين=سلط الله بعضهم على بعض حوف الذنوب
ارفع كفوفك لربك واطلب المولى يعين=قول:يالله يا إلهي لا تكثر للحروب
الحروب أكبر بلية للعباد المؤمنين=ضيعت خلقٍ(ن)كثير وطيرت ما بالجيوب
وينها شام الخلافة ماتسر الناظرين=ماعرفنا يارباح اللي غلب واللي مغلوب
قبلها حرب الجنوب اللي لها عدة سنين=بين صنعاء والمكلا نارها شبت شبوب
ثم غزة يارباح اللي تروع الغافلين=ماحصل للشعب في غزة يدمي للقلوب
والعراق اللي من أول سميت بالرافدين=بعد ما راح الأسد خشت متاهات الدروب
والله إنه يستر من أيام جايه يافطين=لا تنوش النار ثوبك ثم تنسفك الهبوب
مير هلل وإذكر المولى وسبح وإستكين=وإن لحقك ذنوب منها يارباح اليوم توب
الله إنه يرزقك ياصاحبي دنيا ودين=وإعلم إن الشمس من بعد الشروق الها غروب
مايدوم الحال لو زان لك حال يعود شين=كم واحد غرته دنياه والدنيا لعوب
يارباح الوضع أشوفه مختلف ماهو بزين=المشاكل كاثره بالشمال وبالجنوب

المشاركة الأصلية كتبت بواسطة ذياب بن غانم (المشاركة 157585) مصافحة اولى لهذه الرائعة صح لسانك وبانتظار رد رباح

المشاركة الأصلية كتبت بواسطة عثمان الثبيتي (المشاركة 157587) صح السانك يابن هليل/ الجنيه ناويه رباح تكفى يارباح سعيد سلم منها والشهيب سلم وانا صوبتني وانتبه لاتقضي عليك هههههههههههههههههه هذا الجنيه موذيه مير عندك بالقصيم مشايخ يقرون خلهم يحجبونها والله ماعاد تشوف ابن هليل يتحدى هههههه

المشاركة الأصلية كتبت بواسطة سعد حميد الثبيتي (المشاركة 157588) لاوالله الا رحتوا عشا لابن هليل والباقين غدى واللي يبا يلحق بين الوجبتين ههههههههههههههه صحت الالسنه والقلوب لكم تقديري

المشاركة الأصلية كتبت بواسطة رباح دبيان البيضاني (المشاركة 157590) صح السانك يابن هليل ... وماكفاك رد عثمان ههههههههههه وماكفى دعاك انت على الحروب تبيني ادعي معك ههههههههه على العموم صح السانك والله يعين على الرد بس لاتباطاه لأن جنيتك الرد عليها يبيله استشارة قراء مخضرمين ههههههههه والله لايعيد طاريها هذا بعد هرجتي فيها البارح والسبب كله . عبير الشوق . الله يسامحها.

المشاركة الأصلية كتبت بواسطة الرقيب (المشاركة 157592) صح لسانك واعتلا شانك بنتظار رد رباح لكم خالص تقديري

المشاركة الأصلية كتبت بواسطة قوي البخت (المشاركة 157593) الله يديم علينا الامن والامان الحروب مافيها خير