حبيبي تذكر أيامٍ(ن)تجمعنا على الميعاد=قبل وقت الغروب بساعتين ان كنت فاكرنا
على ذاك الطريق اللي جمعنا بغفلة الحساد=رسمنا للعمر لوحه تلونها مشاعرنا
تقابلنا ولهف الشوق فينا كنه الوقاد=نداري للجروح اللي قبل كانت تبعثرنا
توقعنا تلاقينا يطفي للغرام وزاد=غرامٍ(ن)وين وجهنا بلوعاته محاصرنا
غرامٍ(ن)كل ما زاد البعاد يزيد فيه عناد=سنين طوال طير نومنا وأدمى محاجرنا
نسامر ذكريات أيامنا ياليتها تنعاد=نحس براحةٍ(ن)في ليلنا ساعة تسامرنا
آلا يا حلوها من ذكرياتٍ(ن)للعقول وزاد=تغذي للمشاعر ذكرياتٍ(ن)ماتغادرنا
زمانٍ(ن)فات لكن ذكرياته بالقلوب جداد=بكل لحظة مشاعرنا بلهفتها تذكرنا
محال أنساك ياعذب اللما ياسيد الأسياد=بعد حبك سكن قلبي عسى ربي يقدرنا
أنا بالذات ما بنسى لساعة تنحسب ميلاد=تغير بعدها طعم الهوى واحنا تغيرنا
تجنن قلبي وعقلي بعد قابل لبنت الضاد=وقالت لي بعظم لسانها هواك ساحرنا
آلا ياعز حالي من غرامك زامي الأنهاد=حدتني دونك الأقدار من يجبر خواطرنا؟
تصبرنا على حبٍ(ن)سكن بين الضلوع وكاد=نمني للنفوس وربنا وحده مدبرنا
تعلقنا حبال الصبر لكن صبرنا ما فاد=آلا يالله على ما صابنا بفضلك تصبرنا
حبيبي تذكر أيامٍ(ن)تجمعنا على الميعاد=قبل وقت الغروب بساعتين ان كنت فاكرنا

نسامـر ذكريـات أيامنـا ياليتهـا تنعـاد
نحس براحةٍ(ن)في ليلنا ساعـة تسامرنـا
آلا يا حلوها مـن ذكرياتٍ(ن)للعقـول وزاد
تغـذي للمشاعـر ذكرياتٍ(ن)ماتغـادرنـا

صح لسانك دائما مبدع لله درك


تقبل التحية