يا هاجسي ما كل حالٍ(ن)يسرا=الحال له وجهين والرب واحد
دنيا تقلب بين خيرٍ(ن)وشرا=أيامنا مليانةٍ(ن)بالشواهد
حالٍ(ن)بينفعنا وحالٍ(ن)يضرا=وحالٍ(ن)يقربنا وحالٍ(ن)يباعد
حالٍ(ن)يزعلنا وحالٍ(ن)يسرا=نطلع وننزل مثل لفت المصاعد
وحالٍ(ن)يريحنا وحالٍ(ن)نورا=وحظوظنا ما بين قايم وراقد
أحد متدفي وأحد بالبرد برا=ما جاب من عمرٍ(ن)مضا له فوايد
قضى لعمره واقفٍ(ن)ويتحرا=يبا الدفا والحظ عيا يساعد
وأحدٍ(ن)ليا حده زمانه تجرا=عن غايته ما كف طول السواعد
حتى لو إنه بالخلايق تزرا=ايموت واقف م احترى الموت قاعد
أحدٍ(ن)يذري وأحد ما له مذرا=لو كان في نعمة تذمر وجاحد
أبوه وأمه من فعوله تبرا=نفسه خبيثة يكره الناس حاسد
وأحدٍ(ن)ليا حده زمانه تدرا=ما هان نفسه ل الزرا والمناقد
نفسه عفيفة لو جاع وتعرا=الوجه ما يفرشه مثل الجواعد
الشين لن قابله عدا ومرا=راح بطريقه ما يجي له مواعد
وإن جا غلط من جانبه ما يصرا=على الخطأ ما قال ما فيه شاهد
الكل يغلط ماش واحد مبرا=المشكلة باللي خطاوي معاند
با هاجسي في حال وقتي تمرا=تلقي التناقض بين الأحوال واجد
يا هاجسي ما كل حالٍ(ن)يسرا=الحال له وجهين والعمر واحد