اليوم عيد وللتهاني زغاريد=كل عام وأنت بخير يابسمة السعد
تعطري يا شمعة الغيد للعيد=رشي عليك المسك والعود والـورد
ومري عليً بالي والأشواق بتزيد=خلف الضلوع اللي محرق من الوجد
وليا خطرتي فوق بالي بتاكيد=بقول عاد العيد ياشامخ الجيد
كل عام وأنت العيد لو عادك بعيد=يا فل يا ياسمين يا باهي الخد
عساك دوم بخير يا قاهر الغيد=ياللي غرامك بالحشا صعب ينصد
شيدت لك غلاك بالقلب تشييد=وسخرت لك مشاعري للهوى جند
غنيت لك أجمل لحون الأناشيد=ونظمت فيك أعذب قصائد من الود
عدة سنين أشكي من الحب وأعيد=والله يعلم كم بقي يا غلا بعد
أريد لكن ما حصل كل ما ريد=حدتني الأيام والظرف والبعد
لو جات لي بالكيف بطوي لك البيد=وأجيك لين أعايدك يدٍ(ن)بيد
مير الظروف تكيد وأيامي تكيد=واللي كتبه الله ما عاد ينرد
اليوم عيد وللتهاني زغاريد=كل عام وأنت بخير يابسمة السعد

المشاركة الأصلية كتبت بواسطة عذبة الروح (المشاركة 203006) صح لسانك وكل عام وانت بخير ومن العايدين والفائزين :wggw:

المشاركة الأصلية كتبت بواسطة مهاجر (المشاركة 203007) صح لسااااااانك كل عام وأنت بصحة وسلامة

المشاركة الأصلية كتبت بواسطة شقران (المشاركة 203008) صح لسااااااااااانك ولا هان راسك

المشاركة الأصلية كتبت بواسطة راكان (المشاركة 203009) صح لسانك قصيدة رائعة لله درك احترامي

المشاركة الأصلية كتبت بواسطة نجمة حجازية (المشاركة 203010) روعاتك استذ الشعر العذب وكل عام وانت بخير

عاد عيدكم والله من خيره يزيدكم

وصحت ابدانكم جميعا

تقديري