لج الخفوق بداخل الصدر وإرتج=من لجته هاجوس الأشعار رجه
ساعة خطر له راعي الدل والغنج=اللي نهب للقلب من زود غنجه
لا من ذكرته هاجسي للهوى سج=والشعر يتبع يا هل الود سجه
جاوبه صوت الشعر يوم الصدى لج=مشاعر الأشواق شعري تلجه
أنظم قصيدي فيه من غير ما احتج=شعري وأنا طيف المهاوي يحجه
راع الثمان البيض بعيونه الدعج=ملك لكلي تفدي الروح دعجه
هواه فيني من زمن بالحشا ثج=غرق خفوقي وأغرق الشعر ثجه
غلا وليفي فج قلبي لها فج=تنزف عروق القلب من سطو فجه
وأخاف أشابه قيس بالحب وأهج=جن الهوى منهو تصيبه تهجه
وأنا وصلت أخر مدى حيل مزعج=صد وبعاد وشوق ما أطيق زعجه
حظي و وقتي زج بي فالهوى زج=وشلون بقوى شيء بالقلب زجه
كبا حصان الصبر ما فاده السرج=طاح الحصان وطاح حظي وسرجه
ولج الخفوق بداخل الصدر وإرتج=من لجته هاجوس الأشعار رجه