أسعدكم الله دنيا وأخرة
اليكم الأبيات بدون مقدمات
علها تروق لكم
يالله إني طلبتك يا الرحيم اللطيف=لا تخيب رجا من لاذ بك مرتجي
تجمع لشملنا من بُعد صاير مخيف=يامجيب الدعا عبدك والك ملتجي
عيني ترف مشتاقه لشوف الوليف=ليتني لا طلبته في ثواني يجي
لأجل ترتاح عيني من عذاب الرفيف=تنطفي نار شوقٍ(ن)بالحشا تسرجي
كل ليله يسج الفكر يهرف هريف=خلف حلمٍ(ن)تحير روحته والمجي
كل ما قلت هانت حاف بالحلم حيف=كن حلمي تحت ضرس الأسد يعلجي
الهواجس تجيني والبلا كيف كيف؟=كيف أحقق طموح الروح لا ينجي
كيف أقرب لجدة من ربوع القطيف=المسافة بعيده والطريق أعوجي
الفوارق كبيرة بين صيف وخريف=الثرا والثريا بُعدها مزعجي
الله اللي مبعد سِيف عن جال سِيف=الشدايد بعضها صعب ما يفرجي
قدرة الله تحير كل عبدٍ(ن)ضعيف=كل شيءٍ(ن)وضع له سنه ومنهجي
شيء منها يشاف وشيء مايوم شيف=والله اللي يعلم الزين والمحرجي
تبصر العين لكني سواة الكفيف=مشيتي للهدف تشبه لمشي أعرجي
حمل الأيام يثقل والمواجع رديف=والمشاعر من الأوهام ما تهتجي
يالله إني طلبتك يا الرحيم اللطيف=لا تخيب رجا من لاذ بك مرتجي