للتواصل بدون فاصل
الصباح اللي يمر بدون ترنيمة صباحك=لا تحسبه يوم من عمري ولو طول زماني
ما تطيب النفس لين تهب لأشواقي رياحك=والمشاعر تنصهر في طيف من يمك غزاني
لو تعنيت بحياتي كل همي بإرتياحك=راحتك غاية مرادي لو تعارضها الأماني
أبتلع بؤس الليالي لأجل سعدك وإنشراحك=أسجن جروحي بروحي لو أعاني ما أعاني
ما تهم جروح ذاتي لن سلمت أنته جراحك=لأجل حبك مستحيل أكون في حبي أناني
ارم فوقي كل همٍ(ن)مزعجك والله أباحك=وإستريح وريح أفكارك فدا روحك كياني
يكفي إنك تفتكرني لو لحظة في مزاحك=لن حداك أكثر من التفكير في سر وبياني
ياوليفٍ(ن)مستبيح الروح والخافق مباحك=عيش فيني حلم دام الحظ والواقع حداني
الصباح اللي يمر بدون ترنيمة صباحك=لا تحسبه يوم من عمري ولو طول زماني