أسعدكم الله
هذا المساء اليكم تخاريف ليل الشتاء
الليلة البرد قارص كسَّر عظامي=أرجف من البرد وينه بيتي الدافي
من شدة البرد ماني قادر أنامي=بردٍ(ن)دخل في عظامي برد لحافي
والخوف لا تاصل بروده الى أحلامي=من عقبها كل ماهو حلو ينعافي
يا مالك الدفء وينه صيفك الحامي=الهب لي الجو رجع جوي الصافي
أشعل شموع القصائد حرك إلهامي=مشتاق أغني لعينك لحني بقافي
القاك بيت القصيد ومنبع إفهامي=والقاك عذب اللحون براس مشرافي
قدام لا ترحل أيامك مع أيامي=ويصير كل الحلا في وقتنا خلافي
قال المثل:الحديد بينطرق حامي=وإن فات وقت الرخاء ما تنفع عجافي
تعال سق لفؤادٍ(ن)قاحلٍ(ن)ظامي=بلل عروق الهوى في قلب ميلافي
ينطرك يا فاتني من عدة أعوام=طال إنتظاري على بابك وميقافي
يا مشغل الروح حبك تاجي وسامي=هواك دايم بقلبي حي متعافي
القاك في كل طيف يمر قدامي=أشوفك بكل بارق ساري مقافي
سحائب العشق تمطر قلبي السامي=قطع لك العهد لا يكره ولا يجافي
مهما يطول الغياب وتتعب أوهامي=تبقى يا طيف الحبيبة سيد أطيافي
لأجلك ياطيف الغلا بنشف أقلامي=وأسامرك في شتاء عمري ومصيافي
الليلة البرد قارص كسر عظامي=أرجف من البرد وينه حضنك الدافي