يابوي انا حالي من الوقت مسموم = الصدر ضاق ودمعتي في عيوني
اعاني الحرمان واعيش مهموم = عانيت في الدنيا وزادت طعوني
احد(ن) عطاه الله واحد صار محروم = والي مقدر اعرف انه يكوني
لا واهني المهتني حزة النوم = وانا مع الافكار كثرة شجوني
اسهر لياليه واسامر لي نجوم = وعلى مواويلي اجر اللحوني
ويلي على الي رمشها كنه اسهوم = صابت خفوقي والعيون اسحروني
يابنت انا قلبي من الوقت مكلوم = واحتاج للقلب العطوف الحنوني
والناس ماترحم ومن طبعها اللوم = لو اشرح الاسباب مايعذورني