دينا العداله ديننا دين خير الادياااان



مادام ربك كافل الرزق يافلان = والعمر ماينقص ولايمكن يزود


ليه التباغض والحسد بين الاخوان = وقلوب بعض الناس ليه اصبحت سود


والدين يابن الناس قايم على اركان = لاتهدم اركانه واسميك مقرود


صلي صلاتك واطلب الرب غفران = واركع لرب البيت وادعيه بسجود


ادي الحقوق الواجبه دون نقصان = وامشي على وضح النقى درب مجرود


واقراء كتاب الله يزيدلك الايمان = وحبل الرجاء بالله خليه ممدود


ربك رحيم ويرحم الناس رحمان = وفل الحجاج ولاتخليه معقود


واحذر تخاوي كل حاسد وخوان = ولاتمشي بدربن من الخلق منقود


دين العداله ديننا خير الاديان = وصلاة ربي عد ماهبت النود


على النبي الهاشمي عالي الشان = ياحظ من يسقيه من حوض مورود


شفيعنا في يوم مافيه خلان = يشيب ذاك اليوم من كان مولود