أسعدكم الله
الأبيات
رسالة عبر كل القنوات مرسلها=ادور وليفٍ(ن)غائبٍ(ن)ما يدورني
لعل الرسالة تأصله قلت فأولها=تمنيت صوتك قبل نومي يخدرني
ياشوقي ترى روحك لروحي مفصلها=كريمٍ(ن)خلقنا دبرك ثم دبرني
جميلتك يا سيد الغنادير كملها=قبل لا يروح العمر وأقفي وتخسرني
أنا قد وهبتك غالي الروح جملها=ترى الروح غاليةٍ(ن)عليًه وتأمرني
ظروف البعد والوقت قلبي تحملها=لكن المصيبة يوم ما عدت تذكرني
وصالك حبال الحلم يمكن يوصلها=وهجرك ونسيانك بلا ذنب دمرني
أعاتبك من شوقي عسى الله يعدلها=وترجع تواصلني محبك وتخبرني
غيابك وصدك غالي الروح بهذلها=ليالٍ(ن)طويله ماطر الشوق يمطرني
لكن السهر في جو غيرك يغربلها=أبيك أنت وحدك بالليالي تسامرني
تولعت بك محبتي صعب أبدلها=يا نبض الفؤاد أهواك والبعد يقهرني
لكن برسل أشعاري تجي لك وحللها=لعلك بعدها تتصل بي وتشكرني
رسالة عبر كل القنوات مرسلها=ادورك ياللي غائبٍ(ن)ما تدورني