إحصائية العضو
منزلك وسط المحاجر يارهيف القد يالي منزلك وسط المحاجر = منزلك وسط المحاجر ولك في الخفاق دوله نظرتك فيها الحنان وبسمتك توسيع خاطر = الحلا بالحيل طاغي وميزتك دايم خجوله ناعمه في لمستك وبكلمتك رقة مشاعر = راقيه باسلوب راقي وبك براءات الطفوله فاتنه فيك الوصوف النادرة والحسن ظاهر = من يشاهد حسنك الفتان يعلن عن ذهوله الف باسم الله عليك اقولها عن كل ناظر = ويحفظك ربي من سهام العيون الي نظوله منك تغار البنات وصدق ماللحكي آخر = قال راعين المثل ان العنب ماحدن يطوله تدري ودي التقيك وكل يوم تقول باكر = وتدري انك لي ربيع العمر وحضورك حلوله يارهيف القد يالي منزلك وسط المحاجر = منزلك وسط المحاجر ولك في الخفاق دوله