بشروني بحور ويا حلاة البشاره=إنشرح صدر جدك يوم جيتك حور
يا حفيدة شيوخ أهل الحكم والوقاره=في قديم العصور وفي جديد العصور
يا هلا مرحبا بك مرحبا بالطهاره=جعلك لوالدينك جالبة للسرور
الله إنه يحفظك من شرور وخساره=يا بعد قلب جدك في غياب وحضور
والله إنه يبارك للولد في ثماره=حور عنده وعندي نادرة بالـزهور
عندي أغلى من كنوز الذهب والتجاره=وعند أبوها تساوي في عيونه لنور
حور وردة حياته بالشذى والنضاره=قرة العين حور اللي ملكت للشعور
الله إنه يطول عمر حور بحضاره=ما تعاني هموم ولا تعاني كدور
تنعم بعز أبوها ما تعرف الكداره=كاسبة للرضا في والدين بحبور
بشروني بحور ويا حلاة البشاره=إنشرح صدر جدك يوم جيتك حور