كان المساء ما تزين بالعطر والبخور=والغرة اللي تشابه وجه بدر المساء
الليل من دون خلي لو تفوح العطور=الله يقلعه من ليلٍ(ن)وهب يخسا
ماهي بليلة هنيئة مبهجة للصدور=ولا هي بليلة عليها حلم عمري رسا
لا صار ما عندي اللي فيه من وصف حور=عز الله إني مجنب كل جنس النساء
لو كان بالبيض والله ما خبرت القصور=لكن شفي هنوفٍ(ن)طيفها ما إنسى
مغرورة بالجمال وعشق مثلي غرور=اللي هواها مليًن خافقي من قسا
ما مثلها بالحضور وفي جميع العصور=ما جابت البيض مثل اللي لقلبي حسا
ولا مثل معشوق روحي بالحسن والشعور=المترف اللي بحسن الطبع دوم إكتسا
ما مرني مثل غيره في زماني مرور=أخذ لقلبي وعقلي مير عل وعسى
يرحم فؤادي وحالي من جميع الشرور=اللي تصيب القلوب وعرقها ييبسا
وإن كان ما هو بيشفق في مقام وعبور=يا هم حياك وإقلط بالحشا وإدعسا
على حلومٍ(ن)زرعها خافقي من دهور=حطم زهور الورود وفل مع نرجسا
ما عاد تفرق معي ياهم كل الأمور=سيان عندي جنون العقل وإن وسوسا
كان المساء ما تزين بالعطر والبخور=والغرة اللي تشابه وجه بدر المساء