أسعدكم الله
الأبيات
يا حبيبي حلو نومي طيره=هذيان الشـوق في حلم المـسا
جمعك ليلي غرام وبعثره=في عروق القلب عيني تحرسا
المشاعر بالأماني تمطره=في عروق القلب حبك تغرسا
هاجسي طيفك حضر ثم سهره=ذكره بأيام رطبات وقسا
الزمن يذكره وأنته تذكره=مثل ما قلبي لحبك ما نسا
الزمن حبك حشا ما غيره=من سنين الحب في قلبي رسا
ما شغلني عنك بنت صغيره=ولا فتني عنك حلوات النسا
الهوى خطيب راقي منبره=والغلا والشوق قلبي تحمسا
خلفك احلام السنين تجرجره=لين عرق القلب وقته يبسا
يا الاه الخلق قلبي صبره=عل ياتي من هواه ويلمسا
طالبك يارب بأمرك دبره=أضف سترك فوقنا ستر وكسا
قرب المحبوب صوبي سيره=برحمتك يارب يا عل وعسى
يا حبيبي حلو نومي طيره=هذيان الشوق في حلم المسا