اللي من أول تشرح الصدر شوفته=عدى شهر ما عاد شفته ولا راد
عساه طيب يوم الأيام خفته=ماهي بعادة يقطع الوصل ببعـاد
وشلون يقدر يبتعد رغم لهفته=اللي يقول إنها بالأضلاع وقـاد
يكود لظروفٍ(ن)قويات دفته=على الهجر والصد والبعد لا عاد
ذبح فؤادي والمواجيع لفته=لفت حشايه مثل ما لف سجاد
أسهر على ذكراه وأذكر لوقفته=تحت المطر بارق وأنا بي رعاد
نادر حلا وطبوع ما بين صفته=سحر لحون الشعر ويجيه منقاد
وأنا سحرني فوق زينه بعفته=لقيت فيه أحلام عمري والامراد
الشهد يقطر من مناحل بشفته=ما ظنتي مثله بغضات الأنهاد
لكن حسافة غبر الأيام قفته=عقب المواصل صرت بالعون نشاد
كل حيد نايف أرتقي فوق شرفته=وأصيح وينك يا بعد كل الأجواد
تعال شوف بحال مغليك رجفته=من لهفته فوقك تكفي بني ضاد
مير إبتعد وأنا مولع بخفته=يالله عساه بخير والجرح لو زاد
لن عاد لي تبرا جروحي بشوفته=لو كان تمضي عدة أعوام ما راد