تابعنا الأحداث بتونس ولا تزال
وها نحن نتابع الأن ما يجري بمصر
ولا نعلم على من يكون عليه الدور بعد أيام
وفي هذا الجو المشحون اليكم هذه الأبيات متزامنة مع مطالب الشعب المصر
إنتفض شعب الكنانة من السويس ليا الصعيد=يطلب التغيير ويطالب بتغيير النظام
ما ثناهم لا سلاح ولا هراوات وجريد=الهدف واضح ومنهجهم تظاهر في سلام
إستفادوا من دروس بتونس الخضرا أكيد=حين نحوا بن علي واليوم وينه هام هام
يطالبون الشيخ حسني بالتنحي والشديد=مالقوا في ظل حكمه غير تسويف وكلام
ذي ثلاث عقود مرت ماجنوا فيها مفيد=خاضعين بقوة السلطة على وجه الرغام
لين ظنه وارث(ن)فرعون بالعصر الجديد=يشتري ويبيع فيهم تحت جنح(ن)من ظلام
جند جنوده ونادى كلكم عندي عبيد=تحت قانون الطواري بالرضا والا الحسام
ناسي(ن)مدري تناسى هو ذكاء والا بليد=إن حكم بلا رضا لو طال ماهو مستدام
موجة التغيير هبت ما يوقفها الحديد=كل ظالم له نهاية لو رقا فوق الغمام
الشعوب ليا إستضامت ما يوقفها الوعيد=يحرقون الأرض تحت عروش مايخشوا ملام
من طلب للمجد ما يبكي على واحد شهيد=موت في عز(ن)ولا عيشة حرام من حرام
والمسيرة ماشية والله يفعل مايريد=كل حكم(ن)غير حكم الله يبا يغدي عدام
سنة المولى بخلقه بالقريب والبعيد=يداول الأيام بين الناس عام بعد عام
إنتفض شعب الكنانة من السويس ليا الصعيد=يطلب التغيير ويطالب بتغيير النظام