السلام عليكم ورحمة الله وبركاته
اطرح بين ايديكم هذه القصيده وأتمنى بأن تنأل استحسانكم وذائقتكم الشعريه
رعود ترعد مايجي بعدها سيل = سواة من يمشي على الشوك حافي
دايم يردد قول مطولك ياليل = الليل مظلم والقمر مايشافي
ايجر طول الليل بعض المواويل = بيسلي الوجدان من هم ضافي
الهم غيم فوق كل المحاصيل = ما عاد تنتج ما يفيد السنافي
يصفق بكف الكف دمعه هماليل = مما جرا جوه غشاه الخسافي
غدى ضحية راعي القال والقيل = اللي يعكر نهر منبعه صافي
حتى الغضي ما عاد يرسل مراسيل = يسأل عن الاحوال والعلم خافي
المشكله لن زاد قطع المواصيل = يقنب قنيب الذيب والحال حافي
الصبر مر ولا تفيد التماثيل = مدام راح العمر ماجاه لافي
يالله سهلها لبعدك تساهيل = يامن شرع للعبد حكم الطوافي
رحمتك يامرسل طيور الابابيل = ياعالم بجهر البشر والخوافي