الدرة اللي حبها ساحر الفود=من هو يجيني قبل أموت بخبرها
غرامها بالروح من زود في زود=مشاعرى عشق الوليفة أسرها
لكن من دون الغلا بعد وقيود=ظروف صعبة ما سلمنا قشرها
حدت وليف الروح والحال محدود=أيامنا مخلص علينا عسرها
ما فادنا صبر الليالي ومجهود=أرواحنا طول التباعد كسرها
بعد الوصال الحلو والصدق بوعود=صارت تغيب بدون يأتي نذرها
تغيب عني غيبة الغيث وتعود=تبرق وترعد ما يقطر مطرها
ما كني بعالمك يا غيث موجود=النفس ربي فوق ميك فطرها
كل الذي أجنيه من جودك عهود=والروح تحلم بك وتنسى خطرها
يا مدعي بالجود لا يبطي الجود=ترى البطا يذبح حلومي شطرها
مابين وصل ومنع موجود مفقود=والعمر يركض والأماني نثرها
على طرق العشق والحظ محسود=كل الحلوم اللي حلمها دمرها
درب ٍ مشى به بالنهايات مسدود=وأمال عمره بعد يأسه قبرها
اصبح وأنا ملهود وابات ملهود=من حفرةٍ(ن)بالقلب حظي حفرها
الدرة اللي حبها ساحر الفود=من هو يجيني قبل أموت بخبرها