في حـياة الناس غـفوه واهـفوات
واحـتـباس ايخلًي العـاقـل عجول
تـعتـريـه المسكـنه وايـقـول هات
وتـعـتريه المكرمه و ايقول قـول
و كـل نـوماس ن يـبارى بالثـبات
والمكارم نـجـمـها مـا لـه ا فـول
بـذرهــا دايــم وجــوده كالـنـبـات
كل ما غـيـثه يغـيـث ايـزيـد طـول
والغثيث من المشاعـروالصفات
يـشتـرى و يـبـيع في كل الاصول
دعوة انفوسن لخيل ن مسرجات
سوقــوهـا لـلـمـزايـد و الحـمـول
لبسها زايـف مع اطـبول الدعات
وانهماكات الهوا عرضن وطول
لا حيـا يجـدي و لا فــيـهـم ثـقـات
كـل داعي يـنغــزه شيـطـان مـول
كـن في راسه صهـيل الصافـنات
وكنهم في حـلبة اصراع العجول
مشعـلـيـن الـنـار في كل الجهات
والـفـراش اللي حـوالـيها يـجـول
و العـوامل و الدوافع حـاضـرات
في زفـاف ابليس رقـاصه خـبـول
يـاحـياة ن ما تـشـرّف مـن حـيات
والمزايد كم يرخًـص مـن عـقـول
عشقة التقـلـيـد في عـصر انفلات
انسـت المسلـم تـعـالـيـم وحـلــول
و الـغـمـوض اللي يـظـللها فـوات
ساكـت و صايح لـذول و خـلً ذول
اصبح الظـاهـر بـعـكس المبطنات
والمـوازيـن اصبحـت فـيها غـلول
قــالـوا الـلي اخـتـشى اظـن مــات
قـلـت هـذا الـديـن لا يـمكن يــزول