أسعد الله أوقاتكم بكل خير
اليكم خاطرة سريعة أبيات كيبوردية
علها تروق لكم
سامريني يا غرامي طول ليلي سامريني=
لا سمعتك ينجلي عن خاطري همي وغمي=
ينمسح عني غبار الوقت حين تكلميني=
المشاعر مع دفا صوتك تجدد جري دمي=
جمعيني من شتات أحلام عمري والسنيني=
وأسكبيني عطر ليلك ينسي همك وهمي=
اكتبيني في خواطر ذكرياتك وامسحيني=
وارسميني لوحةٍ(ن)في واقعك لو كان وهمي=
أكتميني سر والا لن بغيتي أعلنيني=
كل ما يرضيك سوي بعثري فيني ولمي=
إن طرأ لك تظلميني يا مناتي اظلميني=
وإن نويتي ترحميني مدي كفوفك وضمي=
سامحٍ(ن)لك غناتي بما طرأ لك تأمريني=
والك مني يا غلاتي لا طلبتي قلت:تمي=
لا فعلتي كل هذا يا غرامي علميني=
بنحر الأحزان وأبدا فرحتي معك وأسمي=
بهجر العالم وأجي لك كلي أشواق وحنيني=
بزرع رياضك ورود ليا التقى حلمك وحلمي=
سامريني كل ليله يا غرامي سامريني=
لا سمعتك ينجلي عن خاطري همي وغمي=