أبيات تأدية واجب
علها تفي بالغرض
أكبر خطاياي صدقتك وصارحتك=أسكنتك القلب لين أعلمك بأسراري
ياما وهبتك من الطيبة وفرحتك=وياما تغنيت بك في عذب الأشعاري
أشقيت نفسي على شأنك وريحتك=وأسهرت عيني لعينك متعب أفكاري
كنت أحسبك صافيٍ(ن)قلبك ومازحتك=ما كنت أظنك كما البنزين والناري
كتاب غامض عرفتك من تصفحتك=كلك طلاسم تشابه رسم الأسحاري
أخذت وقتٍ(ن)طويلٍ(ن)لين نقحتك=ومابين يومٍ(ن)وليلة بعت للشاري
جفيتني بعد زينتك وشرحتك=طعنتني بالبعاد وصدك الضاري
باللي تبيع المنايا عقب صالحتك=جتني هداياك مسمومة بغداري
لو كنت داري بخبثك كان طلطحتك=تقعد زمن ما أنت لا جاهل ولا داري
ولو كنت جاهل من الجهال فضحْتك=كتمت غيظي بصدري وأخر أخباري
بالطيب واللطف ضويتك وسرحتك=هذا قدَر ربنا مجري للأقداري
لو طعت نفسي تمسيتك وصبحتك=حتى تطيب المواجع وأخذ الثاري
لكن منعني عهد ربي وربحتك=أعطيتك أسرار قلبي والقدر جاري
اللي مضى مات سويته وسامحتك=واللي بقا ما نعرفه يعلم الباري
بأمان ربي ملقا خير بيحتك=من كل زلة وسامحتك بالأعذاري
والمعذرة كان ضايقتك وجرًحتك=بعض المعاتب يشابه صالي الناري
أكبر خطاياي صدقتك وصارحتك=أسكنتك القلب لين أعلمك بأسراري